👆ಖಲೀಲ್ ಗೀಬ್ರಾನ್
ನದಿಯು ಸಾಗರವಾಗುವುದು
–
ಸಾಗರವನ್ನು ಸೇರುವ ಮುಂಚೆ
ನದಿಯು ಹೆದರಿಕೆಯಿಂದ ನಡುಗುತ್ತಿತ್ತು
–
ತಾನು ನಡೆದು ಬಂದ ದಾರಿಯತ್ತ ಒಮ್ಮೆ ಅದು ತಿರುಗಿ ನೋಡಿತು
ಎತ್ತರದ ಬೆಟ್ಟಗಳಿಂದ, ಉದ್ದನೆಯ ದಾರಿ, ಅರಣ್ಯ, ಹಳ್ಳಿಗಳಿಂದ
ಉಕ್ಕಿ ಹರಿದುಬಂದದ್ದನ್ನು ನೆನೆಯಿತು
–
ಮತ್ತು ಅದು ಈಗ ಎದುರಿಗೆ ನೋಡಿತು
ಕಣ್ಣೆದುರಿಗಿನ ಸಾಗರ ವಿಶಾಲವಾಗಿತ್ತು
ಅಲ್ಲಿಯ ಪ್ರವೇಶವೆಂದರೆ
ಎಂದೆಂದಿಗೂ ಕಣ್ಮರೆಯಾಗುವುದಕ್ಕಿಂತ
ಹೆಚ್ಚಿನದೇನೂ ಅಲ್ಲಿರಲಿಲ್ಲ
–
ಆದರೆ ಅಲ್ಲಿ ಬೇರೆ ದಾರಿಯೇ ಇಲ್ಲ
ನದಿಯು ಮರಳಿ ಹೋಗಲಾಗುವುದಿಲ್ಲ
–
ಯಾರೂ ಮರಳಿ ಹೋಗಲಾಗುವುದಿಲ್ಲ
ಮರಳಿ ಹೋಗುವುದು ಎಂಬುದು ಅಸ್ತಿತ್ವದಲ್ಲಿ ಇಲ್ಲ
–
ನದಿಯು ಸಾಗರವನ್ನು ಪ್ರವೇಶಿಸುವಾಗ
ಅಪಾಯಕ್ಕೆ ಮೈಯೊಡ್ಡಲೇಬೇಕು
ಯಾಕೆಂದರೆ ಯಾವಾಗ ಭಯ ಹೋಗುತ್ತದೆಯೆಂದರೆ
ಅದು ಏನೆಂಬುದನ್ನು ತಿಳಿದಾಗ
ಸಾಗರವನ್ನು ಪ್ರವೇಶಿಸುವುದೆಂದರೆ
ಸಾಗರದಲ್ಲಿ ಕಣ್ಮರೆಯಾಗುವುದಲ್ಲ
ಸಾಗರವೇ ತಾನಾಗಿಬಿಡುವುದು ಎಂದು ಅರಿವಾದಾಗ
–
– ಖಲೀಲ್ ಗೀಬ್ರಾನ್
ಕನ್ನಡಕ್ಕೆ : ಸಿದ್ಧರಾಮ ಕೂಡ್ಲಿಗಿ
*****
. 👆ಸಿದ್ಧರಾಮ ಕೂಡ್ಲಿಗಿ