ಗಜಲ್
–
ನಿನ್ನನೆಷ್ಟು ಪ್ರೀತಿಸುತಿರುವೆನೆಂದು ನಿನಗೇನು ಗೊತ್ತು
ನಿನ್ನನೆಷ್ಟು ಉಸಿರಾಡುತಿಹೆನೆಂದು ನಿನಗೇನು ಗೊತ್ತು
–
ಕಡಲ ತಡಿಯ ಮರಳಿನೊಲು ಹರಡಿಹುದು ನಿನ್ನೊಲವು
ಅಲೆಯಾಗಿ ಎಷ್ಟು ಸಲ ತಬ್ಬಿಹೆನೆಂದು ನಿನಗೇನು ಗೊತ್ತು
–
ಪ್ರತಿ ಗಿಡದ ಚಿಗುರು ಹೂಹಣ್ಣುಗಳಲಿ ಅಡಗಿರುವೆ ನೀನು
ಜೀವಸೆಲೆಯಾಗಿ ಎಷ್ಟು ಚಿಮ್ಮಿಹೆನೆಂದು ನಿನಗೇನು ಗೊತ್ತು
–
ಬೆಳಕಿಗೇ ಬೆಳಕಾಗಿಹುದು ನಿನ್ನೆದೆಯ ಪ್ರೀತಿಯ ಚಿಲುಮೆ
ಭವ ಬಂಧನಗಳೆಷ್ಟು ತೊರೆದಿಹೆನೆಂದು ನಿನಗೇನು ಗೊತ್ತು
–
ಪ್ರೇಮಕಾಗಿ ಸಿದ್ಧ ಎಷ್ಟು ಅಲೆದಾಡಿಹನೆಂದು ಲೆಕ್ಕವಿಲ್ಲ
ನನ್ನೆದೆಯ ಪ್ರತಿ ಮಿಡಿತವೂ ನೀನೆಂದು ನಿನಗೇನು ಗೊತ್ತು
–
-ಸಿದ್ಧರಾಮ ಕೂಡ್ಲಿಗಿ
*****
