ಅದು ಹಾಗಲ್ಲ ಬಿಡು ನಾನು
ಅರ್ಥೈಸಿಕೊಂಡಿರುದೇ ತಪ್ಪಾಗಿದೆ..
ನಿನ್ನಲ್ಲಿ ವಿಶೇಷತೆಗಳಿವೆ
ನಾನು ಅಂದುಕೊಂಡ ಹಾಗಲ್ಲ ನೀನು!
ಅಪರೂಪಕ್ಕೊಂದು ಚುಕ್ಕಿ ಇಟ್ಟು
ಮಾತಿಗೆ ಎಳೆಯುವ ನೀನು ನಿಗೂಢ..
ಹಾಗೇ ಕ್ಷಣ ಮಾತ್ರದಲ್ಲೇ ಮೌನವಾಗುವ
ನಿನ್ನೊಡನೆ ಮಾತನ್ನು ಮೌನವಾಗೇ
ಆಡಿಬಿಡಬೇಕು ಬಿಡು!
ನಿನ್ನ ಈ ನಿಗೂಢ ವರ್ತನೆಯೇ ನಿನ್ನೊಡನೆ
ಮಾತನಾಡಲು ಹುರಿದುಂಬಿಸುತ್ತೆ ಇನ್ನೂ..
ಮಾತನಾಡಿ ಆಡಿ ನಾನೊಬ್ಬಳೇ ನಿನ್ನ ಸಿಟ್ಟಿಗೂ ಗುರಿಯಾಗುವುದರಲ್ಲೂ ಒಂದು ಮಜವಿದೆ
ಬಿಡು!
ನನ್ನ ಮಾತನ್ನು ಕೇಳಿ ನೋಡಿದ ನೀನು ನಕ್ಕು ಸುಮ್ಮನಾಗುವುದೂ ಗೊತ್ತಿದೆ..
ಆದರೂ ಒಂದು ಬಾರಿ ಮಾತನಾಡಿಬಿಡು
ಮೌನವಾಗಿಯೇ!!
-ಅಶ್ವಿನಿ ಬಿ ವಡ್ಡಿನಗದ್ದೆ, ಬೆಂಗಳೂರು
——