ಅನುದಿನ ಕವನ-೧೨೬೭, ಕವಿ:ಸಿದ್ದಲಿಂಗಪ್ಪ ಬೀಳಗಿ.ಹುನಗುಂದ, ಕಾವ್ಯ ಪ್ರಕಾರ: ಹಾಯ್ಕುಗಳು

ಹಾಯ್ಕುಗಳು

೧                                                           ಆಕಾಶಕ್ಕಿಟ್ಟ ರಂಗೋಲಿ;                             ಹೊಳೆಯುವ                                            ನಕ್ಷತ್ರಪುಂಜ

೨
ನೆಲದಾಳಕೆ
ಬೇರು; ಮುಗಿಲೆಡೆಗೆ
ಬೆಳೆವ ಮರ

೩
ಮರೆತು ಹೋದ
ಮಾತಿಗೆ; ನೆನಪೋಲೆ
ಮುತ್ತಿನುಂಗುರ

೪
ಮದವೇರಿದ
ಕುದುರೆ; ಮನಸಾರೆ
ಕುಣಿದು ಸುಸ್ತು

೫
ದಯಾಮರಣ
ಕೇಳಿದೆ; ಬದುಕಿಕೋ
ಎಂದು ನಕ್ಕಳು

೬
ಉರಿಯುತ್ತಿದ್ದ
ವಿರಹ; ಅಪ್ಪುಗೆಗೆ
ಆರಿ ಹೋಯಿತು

೭
ಆಸೆಕಂಗಳ
ನಗುವಲಿ; ಅಸಂಖ್ಯ
ಸವಿಗನಸು

೮
ಕಪ್ಪು ಬಳಿದ
ಕೂದಲಲೂ; ಮುಪ್ಪಿನ
ಬಣ್ಣ ಬಯಲು

– ಸಿದ್ದಲಿಂಗಪ್ಪ ಬೀಳಗಿ.ಹುನಗುಂದ
——

Leave a Reply

Your email address will not be published. Required fields are marked *