ಬಳ್ಳಾರಿ: ಕನ್ನಡ ರಾಜ್ಯೋತ್ಸವದ ಅಂಗವಾಗಿ ಪ್ರತಿವರ್ಷದಂತೆ ಈ ವರ್ಷವೂ “ಕನ್ನಡ ಸಾಹಿತ್ಯ ಮತ್ತು ಸಾಂಸ್ಕೃತಿಕ ಸಮ್ಮೇಳನ–2026”ವನ್ನು ನಗರದ ಶ್ರೀ ಮಹಾದೇವ ಶಿಕ್ಷಣ, ಕಲೆ ಹಾಗೂ ಸಾಂಸ್ಕೃತಿಕ ಸಂಸ್ಥೆ ಆಯೋಜಿಸಿದೆ ಎಂದು ಸಂಸ್ಥೆಗೌರವಾಧ್ಯಕ್ಷ ಬಸವರಾಜ್ ಬಿಸಲಹಳ್ಳಿ ತಿಳಿಸಿದ್ದಾರೆ.
ಈ ಕುರಿತು ಪ್ರಕಟಣೆ ನೀಡಿರುವ ಅವರು ಸಮ್ಮೇಳನದ ಅಂಗವಾಗಿ ವಿವಿಧ ಕ್ಷೇತ್ರಗಳಲ್ಲಿ ಗಮನಾರ್ಹ ಸಾಧನೆ ಮತ್ತು ಸೇವೆ ಸಲ್ಲಿಸಿರುವ ಸಾಧಕರನ್ನು ಗುರುತಿಸಿ ಗೌರವಿಸುವ “ಕರ್ನಾಟಕ ಸಾಧಕ ರತ್ನ-2026” ಪ್ರಶಸ್ತಿಗೆ ಸಾಧಕರ ಆಯ್ಕೆ ಪ್ರಕ್ರಿಯೆ ನಡೆಯುತ್ತಿದೆ ಎಂದು ಮಾಹಿತಿ ನೀಡಿದ್ದಾರೆ.
ಕರ್ನಾಟಕ ಸಾಧಕ ರತ್ನ” ಪ್ರಶಸ್ತಿಯನ್ನು ಕಳೆದ 8 ವರ್ಷಗಳಿಂದ ನಿರಂತರವಾಗಿ ನೀಡಲಾಗುತ್ತಿದ್ದು, 2026ರ ಪ್ರಶಸ್ತಿಯು ಈ ಗೌರವ ಪರಂಪರೆಯ ಮುಂದುವರಿದ ಆವೃತ್ತಿಯಾಗಿದೆ. ರಾಜ್ಯದ ವಿವಿಧ ಜಿಲ್ಲೆಗಳಲ್ಲಿ ತಮ್ಮ ಕ್ಷೇತ್ರದಲ್ಲಿ ನಿರಂತರವಾಗಿ ಸೇವೆ ಸಲ್ಲಿಸುತ್ತಿರುವ ಹಾಗೂ ವಿಶಿಷ್ಟ ಸಾಧನೆಗೈದಿರುವ ಸಾಧಕರನ್ನು ಗುರುತಿಸಿ ಗೌರವಿಸುವುದು ಪ್ರಶಸ್ತಿಯ ಉದ್ದೇಶವಾಗಿದೆ.
ಸಾಹಿತ್ಯ, ಕನ್ನಡ ಸೇವೆ, ಶಿಕ್ಷಣ, ಕಲೆ ಮತ್ತು ಸಂಸ್ಕೃತಿ, ಸಂಗೀತ, ನೃತ್ಯ, ಕೃಷಿ, ವೈದ್ಯಕೀಯ, ವಿಜ್ಞಾನ ಮತ್ತು ತಂತ್ರಜ್ಞಾನ, ಕ್ರೀಡೆ, ಸಮಾಜಸೇವೆ, ಮಾಧ್ಯಮ, ರಂಗಭೂಮಿ, ಜಾನಪದ, ಯಕ್ಷಗಾನ, ಪರಿಸರ, ಉದ್ಯಮ, ಯೋಗ, ಧಾರ್ಮಿಕ ಮತ್ತು ಆಧ್ಯಾತ್ಮಿಕ ಸೇವೆ, ದೇಶಸೇವೆ, ಮಾಜಿ ಸೈನಿಕರ ಸೇವೆ, ನ್ಯಾಯಾಂಗ ಸೇವೆ, ಪೌರಕಾರ್ಮಿಕ ಸೇವೆ, ವಿಶೇಷಚೇತನರ ಸಾಧನೆ ಹಾಗೂ ವಿಶೇಷ ಸಾಧನೆ ಸೇರಿದಂತೆ 25 ಕ್ಷೇತ್ರಗಳಲ್ಲಿ ಸಾಧಕರನ್ನು ಪ್ರಶಸ್ತಿಗೆ ಪರಿಗಣಿಸಲಾಗುವುದು.
ಪ್ರಶಸ್ತಿ ಆಯ್ಕೆಗಾಗಿ ಸೂಕ್ತವಾದ ಆಯ್ಕೆ ಸಮಿತಿಯನ್ನು ರಚಿಸಲಾಗಿದ್ದು, ಅಭ್ಯರ್ಥಿಗಳ ಸಾಧನೆ, ಸೇವೆ, ನಿರಂತರತೆ, ಸಾಮಾಜಿಕ ಪರಿಣಾಮ ಹಾಗೂ ಸಂಬಂಧಿತ ದಾಖಲೆಗಳನ್ನು ಆಧರಿಸಿ ಪರಿಶೀಲನೆ ನಡೆಸಿ ಪುರಸ್ಕೃತರನ್ನು ಆಯ್ಕೆ ಮಾಡಲಾಗುವುದು. ಯಾವುದೇ ವೈಯಕ್ತಿಕ ಪ್ರಭಾವ ಅಥವಾ ಶಿಫಾರಸಿಗಿಂತ ದಾಖಲೆ ಆಧಾರಿತ ಸಾಧನೆಗೆ ಆದ್ಯತೆ ನೀಡಲಾಗುವುದು ಎಂದು ವಿವರಿಸಿದ್ದಾರೆ.
ಸಾಧಕರಿಂದ ಯಾವುದೇ ಅರ್ಜಿ ಶುಲ್ಕ, ನೋಂದಣಿ ಶುಲ್ಕ ಅಥವಾ ದೇಣಿಗೆಯನ್ನು ಸಂಸ್ಥೆಯು ಪಡೆಯುವುದಿಲ್ಲ ಎಂದು ಸಂಸ್ಥೆಯ ಗೌರವಾಧ್ಯಕ್ಷರಾದ ಬಸವರಾಜ್ ಬಿಸಲಹಳ್ಳಿ ತಿಳಿಸಿದ್ದಾರೆ.
ಅರ್ಹ ಸಾಧಕರು ಗೂಗಲ್ ಫಾರ್ಮ್ ಮೂಲಕ ತಮ್ಮ ವೈಯಕ್ತಿಕ ವಿವರಗಳು, ಸಾಧನೆ ಮತ್ತು ಸೇವೆಯ ವಿವರ, ಪ್ರಶಸ್ತಿ / ಗೌರವ / ಮಾನ್ಯತೆಗಳ ಮಾಹಿತಿ ಹಾಗೂ ಸಂಬಂಧಿತ ದಾಖಲೆಗಳನ್ನು 5ನೇ ನವೆಂಬರ್ 2026ರೊಳಗೆ ಸಲ್ಲಿಸಬೇಕು.
ಪ್ರಶಸ್ತಿ ಪ್ರದಾನ ಸಮಾರಂಭವು ನವೆಂಬರ್ 2026ರಲ್ಲಿ ಬಳ್ಳಾರಿಯಲ್ಲಿ ನಡೆಯಲಿದೆ.
ಗೂಗಲ್ ಫಾರ್ಮ್: https://forms.gle/oNds3psERCyptzQj9
ಹೆಚ್ಚಿನ ಮಾಹಿತಿಗಾಗಿ ಬಸವರಾಜ್ ಬಿಸಲಹಳ್ಳಿ ಅವರನ್ನು
(90368 51961 / 73377 45561) ಸಂಪರ್ಕಿಸಲು ಕೋರಲಾಗಿದೆ.