ಕಣ್ಣಂಚಿನ ಈ ಒಂದು ಹನಿಗೆ…
ಮನದಿ ಮಡುಗಟ್ಟಿದ ನೂರು ಭಾವಗಳು
ಅಂತರಂಗ ಬಹಿರಂಗಗಳಾಚೆ ನೆನಪುಗಳು
ಹೆಪ್ಪುಗಟ್ಟಿಸಿದ ಸಾವಿರ ತಂತಿಗಳ ನಿನಾದ
ಕಣ್ಣಂಚಿನ ಒಂದು ಹನಿಗೆ..
ನಗುವಿಗೊಂದು ಅಳುವಿಗೊಂದು ಮಾತು
ಮನಸಿಗೊಂದೊಂದು ಕನಸುಗಳ ಮೌನ
ಭಾವ ಕಟ್ಟೆಯೊಡೆದ ಮಾತುಮೌನಗಳು
ಕಣ್ಣಂಚಿನ ಒಂದು ಹನಿಗೆ..
ಹೇಳಲಾಗದ ಮಧುರತೆಯಲೇಕೋ ತಳಮಳ
ತಾಳಲಾರದ ತೊಳಲಾಟಲದೊಳೇಕೋ ಕಳವಳ
ತೆವಳುತ ಉರುಳುತ ದಡವ ಸೇರುವ ತವಕ
ಕಣ್ಣಂಚಿನ ಒಂದು ಹನಿಗೆ..
ಭಾವನೇತ್ರಗಳ ಮಿಡಿತಕೊಂದು ಹನಿ ಧಾರೆ
ಒಳಗಡಗಿದ ಭಾವ ತೋಯ್ದಾಟಗಳಿಗಾಸರೆ
ಒಳಮನ ಭಾವಬಿಂಬ ನೋಟ ಜಿಗಿಯುವಾಸೆ
ಕಣ್ಣಂಚಿನ ಈ ಒಂದು ಹನಿಗೆ..
-ಎಂ.ಆರ್. ಸತೀಶ್, ಕೋಲಾರ
—–