ನನ್ನ ಸಹನೆಯ ಪರಾಕಾಷ್ಠತೆಯ ಬಗ್ಗೆ
ಕೇಳುತ್ತೀಯಲ್ಲ ಫರಾಜ್ ,
ನನ್ನ ಅಪ್ಪಿಕೊಂಡು ಅತ್ತಳು ಆಕೆ
ಬೇರೆ ಇನ್ಯಾರದೋ ನೆನಪಿನಲ್ಲಿ.
*****
ನನ್ನ ಬಿಟ್ಟು ಹೋಗುವಾಗ
ಮುಂದೆ ಕನಸಲ್ಲಿ ಮಾತ್ರ ಭೇಟಿ ಎಂದಿದ್ದಳು ಅವಳು,
ಹಾಗೆಂದು ಪ್ರಮಾಣವನ್ನಾದರೂ ಮಾಡಬೇಕಿತ್ತು ಆಕೆ
ಮಾಡಿದ್ದರೆ, ಮಲಗಿ ಬಿಡುತ್ತಿದ್ದೆ ನಾನು ಜೀವನವಿಡೀ.
*****
ಹಕೀಕತ್ತು ಗೊತ್ತು ಮಾಡಿಕೊಂಡುಬಿಟ್ಟರೆ
ಬೇರೆಯವರಾಗಿ ಬಿಡುತ್ತಾರೆ ಎಲ್ಲರೂ,
ಇರಲು ಬಯಸುತ್ತೇನೆ ನಾನು
ಎಲ್ಲರೂ ನನ್ನವರೇ ಎನ್ನುವ ಭ್ರಮೆಯಲ್ಲಿ.
ಸಂಗ್ರಹ, ಅನುವಾದ : ಚಿದಂಬರ ನರೇಂದ್ರ, ಬೆಂಗಳೂರು