ಚಳಿಗಿಷ್ಟು….ಹಾಕಿಕೊಳ್ಳದಿದ್ದರೆ…..
೧
ಪಾನಪ್ರಿಯ ನಾನು
ಏನಾದರೂ ಕುಡಿಯುತ್ತೇನೆ
ಸುಂದರ ಶಿಲಾಮೂರ್ತಿಯಾಗಲು
ಎಂತಹ ಏಟನ್ನಾದರೂ ತಡೆಯುತ್ತೇನೆ!
೨
ಕವಲುದಾರಿಯಲ್ಲಿ ನಿಂತಿದ್ದೇನೆ
ದಾರಿ ತೋರಿ
ದಯಮಾಡಿ
ಇಲ್ಲೇ ಇತ್ತು ಮನೆ
ಬಾರಿಂದ ಬಂದ ಮೇಲೆ ಕಾಣುತ್ತಿಲ್ಲ
ಹುಡುಕಿಕೊಡಿ!
೩
ಅವಳು ನಕ್ಕರೆ
ಚೆಲ್ದಂಗ್ ಬೆಳದಿಂಗ್ಳಲ್ ಹಾಲು
ಸಿಕ್ರಂತೂ
ಹೊಡ್ದಂಗ್ ಸುಕ್ಕಾ ಆಲ್ಕೋಹಾಲು!
೪
ನೈಂಟಿಯೋ…ಸಿಕ್ಸ್ಟಿಯೋ
ಲೆಕ್ಕ ಇಟ್ಟವರಾರು ತಂದೆ;
ಆಕಿ ಮುರಿದ ಮನದ ಚೂರುಗಳ
ಮುಂದೆ!
೫
ಕರುಳೆಂಬ ಬಟ್ಟಲಿಗೆ
ಸುರೆಯೆಂಬ ಬೆಂಕಿ ಸುರಿದು ಬಿಡು ಸಾಕಿ
ಕಣ ಕಣದಿ ಅವಿತ ಪ್ರೀತಿ
ಸುಡಲಿ ಒಳಗಿನದೆಲ್ಲಾ ಹೊರಹಾಕಿ!
೬
ಚಳಿ ಅಂತ ಸುಮ್ನಿದ್ರಾತಾ
ಅವುಚ್ಕನಕವಳಿಲ್ಲಂದ್ರೆ ಪಾಪ ;
ಗಾಜಿನ ಲೋಟದ ಗಮ್ಮತ್ತು
ಎದಿಗಿಳಿದರೆ ಏರ್ತೈತೆ ಎಲ್ಲಾ ತಾಪ!
೭
ಬೆಂಕಿ ಕೂಡಾ ತಣ್ಣಗೆ ಕಣ್ರಿ
ಸಾಯ್ಸೋ ಚಳಿ ಮುಂದೆ
ಒಂದೆರಡು ಗುಟುಕು ಹೀರಿದ್ರೆ
ಎದೆ ಮತ್ತು ಎದ್ಯಾಗಳ ನೆನಪೂ ಒಂದೇ!
೮
ಹಗಲೆಂಗೋ ಕಳಿತದಪ
ದರಿದ್ರ ರಾತ್ರಿಗಳು ಹಿಡಿದೇ ಬರುತ್ತವೆ ಚಳಿಯ ಬಂದೂಕ
ಎದಿಗಿಳಿದವಳಿಲ್ಲ …ಹೆಂಡದ ಲೋಟದ ಹೊರತು
ಅದಿದ್ರೆ ಸಾಕಲ್ವ ಗಂಟಲು,ಎದೆ , ಕರುಳು ಹೊತ್ತಿ ಉರಿಯಾಕ!!
೯
ನೆನಪು,ಚಳಿ, ಸುರೆ ಮೂರು ಹಿತವೇ
ಕಳ್ಕಂಡಿರೋ ಮುಸುಡಿಗಳಿಗೆ
ಉಲ್ಡುತ್ತಿದ್ದರೆ ಬಾಟಲಿಗಳು
ಅರಿವಾಗದು ಖಬರಗೇಡಿಗಳಿಗೆ!?
-ಸಂತೆಬೆನ್ನೂರು ಫೈಜ್ನಟ್ರಾಜ್
*****