ನನ್ನ ಹೃದಯ
ನಿನ್ನ ವಿರಹದ
ಮರುಭೂಮಿಯಲ್ಲ;
ಪ್ರೀತಿಯ ನೆನಪುಗಳ ಉದ್ಯಾನ
ನನ್ನ ಹೃದಯ!!
*
ಪಾದ ಸೋಕಿಸದಿದ್ದರು ಪರವಾಗಿಲ್ಲ
ಒಮ್ಮೆ ಕಿರುಗಣ್ಣಲಾದರು ನೋಡು
ನನ್ನ ಹೃದಯದ ಉದ್ಯಾನವ
ಇಲ್ಲಿ ಬೆಳೆದಿರುವ ಗುಲಾಬಿಗಳ
*
ನಿನ್ನ ಪ್ರೀತಿ ಸಾಕಷ್ಟು ಕೊಟ್ಟಿದೆ
ನನ್ನ ಬದುಕಿಗೆ;
ನೆನೆಯದಿದ್ದರೆ ಕ್ಷಮಿಸಲಾಗದು
ನನ್ನ ಬದುಕನೆ!
*
ನಿನ್ನ ಮರೆಯುವುದು
ನನ್ನ ಮರೆತಂತೆಯೇ
ಕಾವ್ಯ ನೇಯ್ಗೆಯ ಬಿಟ್ಟಂತೆಯೇ
*
ಪ್ರೀತಿಸದ ಹೃದಯ ಸಿಹಿ;
ಪ್ರೀತಿಸುವ ಹೃದಯ ತುಂಬಾ ಸಿಹಿ!
-ಟಿಪಿ ಉಮೇಶ್, ಹೊಳಲ್ಕೆರೆ
*****